08.01 - DIDRIK BJELLA & EIRIK BIE BLIR TRENARDUO FOR LOKOMOTIV OSLO I NORSK TIPPING-LIGAEN I 2018!
Didrik Bjella, opphaveleg frå Jevnaker, har 6 år med studier frå Norges Idrettshøgskole med hovudfokus på trening, coaching og idrettspsykologi, samt fysiologi, ernæring, analyse, idrettsmedisin og pedagogikk ved sidan av. I tillegg har Didrik UEFA B trenarlisens. Trenarerfaring har Didrik først opparbeidd seg i utviklingsavdelingane til Lillestrøm, Skeid og IK Start, samt Akershus fotballkrets. I tillegg har han i 5 år vore analyseansvarleg for Lillestrøm i Eliteserien (3 sesongar under Henning Berg og Petter Beslvik, samt 2 sesongar under Magnus Haglund og Magnus Powell). Dei siste 2 sesongane har Didrik vore assistenttrenar for Skeid Fotball i PostNord-ligaen under hovudtrenar Tom Nordlie.
Eirik Bie, som også held fram som spelar, har med sine 130 offisielle kampar sidan 2012 blitt den med flest kampar for 1. laget til Lokomotiv Oslo sidan oppstarten i 1999. Eirik, som kjeme frå Lommedalen, har 5 år med studiar på NIH (Norges Idrettshøgskole) som inkluderar mastergrad i idrettspsykologi og eit år med pedagogisk utdanning. Eirik har vidare 3 år som trenar for aldersbestemte lag i Lyn, samt 2 år som trenar for Skeid sitt juniorlag. I tillegg har Eirik UEFA B trenarlisens. Som kjent var Eirik også ein av Lokets to trenarar i 2017-sesongen.
Lokomotiv Oslo er med spel i Norsk Tipping-ligaen underlagt NFF sentralt og er saman med dei øvrige klubbane i 2. og 3. divisjon ein del av Divisjonsforeningen. Laget står foran ein ny sesong der 6 bortekampar i Møre & Romsdal blir ei ny og spennande utfordring. Med spel på dette nivået setter klubben stor pris på å ha fått på plass to slike dyktige trenarar for 2018-sesongen.
På biletet, dei to hovudtrenarane Didrik Bjella (til venstre) og Eirik Bie (til høgre)
20.09 - LOKET 2 SIKRA OPPRYKK TIL 5. DIVISJON!!!
På fotballens nasjonaldag, 16. mai, er det kjekt å kunne formidle at Lokomotiv Oslo har inngått ein samarbeidsavtale med Sparebank 1 Søre Sunnmøre for dei tre komande sesongane.
Loket er som kjent ein klubb der spelarane på klubbens ulike lag i all hovudsak er tilflyttarar til Oslo, og vi har spelarar heilt frå Sørlandet og opp til Nord Norge. Imidlertid er det eit faktum at klubben dei siste 10-12 åra har hatt meir enn eit hundretals spelarar frå Søre Sunnmøre, noko som har gjort det naturleg å sjå etter samarbeidspartnarar i det området.
Vi i Loket er særs godt fornøgd med å få til ein avtale med Sparebank 1 Søre Sunnmøre og ser fram til eit godt samarbeid dei komande åra.
Pressemelding vedrørande samarbeidet:
"SpareBank 1 Søre Sunnmøre inngår 3 års samarbeid med Lokomotiv Oslo
Vi ser at mange frå Søre Sunnmøre flyttar til Oslo for å studere og jobbe. Då er det kjekt at det finnast eit tilbod som gir tilgong til eit godt idrettsmiljø beståande av mange andre frå Søre Sunnmøre. Lokomotiv Oslo, eller Loket som dei også er kjent som, har fire seniorlag på herresida. Forutan 1. laget i Norsk Tipping-ligaen har klubben lag i 6. divisjon, 8. divisjon, samt eit Old Boys 7ar-lag. Dette vil også gi SpareBank 1 Søre Sunnmøre ein posisjon då vi ønsker at utflytta sunnmøringar skal bruke SpareBank 1 Søre Sunnmøre som sin bank, også i Oslo. Vi ser at mange som flyttar beheld sin bank då dette er praktisk for kundane, samtidig som vi får behalde kundane. Kundemøter gjennomførast over nett og telefon, elles kan ein også besøke eit av våre kontor når ein er heime i ulike samanhengar avsluttar Banksjef sal og marknad, Andre Skotheim, i SpareBank 1 Søre Sunnmøre
Arthur Garnes i Lokomotiv Oslo ser også fram til å jobbe proaktivt med SpareBank 1 Søre Sunnmøre. Som mange kjenner til på Sunnmøre er Loket ein klubb basert på ein kontingentbasert spelarstall og frivilligheit. Samarbeidet med SpareBank 1 Søre Sunnmøre vil gi klubben anledning til å satse vidare sportsleg, og ikkje minst bidra til å tilrettelegge for vårt arbeid for å skape eit godt fotballmiljø med trivsel og samhald. På vår side kan vi sjølvsagt bidra til å legge til rette for at SpareBank 1 Søre Sunnmøre kan kome i kontakt med utflytta sunnmøringar busett i Oslo gjennom vår store kontaktflate."
Bilete: Arthur Garnes frå Lokomotiv Oslo og Andre Skotheim frå Sparebank 1 Søre Sunnmøre.
]
]
]
]
